¡No saqui usté El Cristu,
señol cura, qué da mucha pena
vel-li con esus goteronis
de suor ensangrantaos
chorreando por las sienis,
la cara toa manchá,
la mirá nublá y perdía,
la boca abierta y reseca,
en jhansias de muerti,
jhincaos en la madera
en metá de las manos
los clavus jhurrumientus,
con las chorrateras
tó el brazo p’abajo
de la sangri seca,
rebentao el costao
por aondi se le escapa la vida,
amangajao del peso,
doblás las piernas,
asujetao con un clavu
que le atraviesa los pies.
y bañao de sangri por do quiera!
¿Qué mal jhizu? ¿Por qué se empeña?
¡No saqui usté El Cristu, señol cura,
que naide lo vea de aquesta manera!
jmgd
